Hau blanga bilib
111Dumaji wi bilib, wal wi sabi wi garra gedim ol detlot prais weya God bin pramis langa wi, en wi sabi ol detlot ting weya wi kaan luk, olabat deya.
2-3Dumaji wi bilib, wal wi sabi God bin meigim ebrijing garram im wed wen imbin tok, en ebrijing wi luk imbin meigim brom najing. En dumaji ol detlot grengrenfatha blanga wi bin bilib lagijat, wal God bin gudbinji blanga olabat.aJenasis 1:1; Ola Saam 33:6,9; Jon 1:3
4Dumaji Eibul bin bilib, imbin gibit gudwan ofring langa God, en det ofring bin mobedawan langa det ofring blanga im braja Kein. En dumaji imbin bilib lagijat, wal God bin laigim det ofring, en imbin gulum im gudbala men. En dumaji imbin bilib lagijat, nomeda imbin dai, bat stil im shoum wi det gudbalawei blanga bilib.bJenasis 4:3-10
5Dumaji Inak bin bilib, wal im nomo bin dai. God bin deigidawei im streit langa hebin, en nobodi bin luk im. Bifo God bin deigidawei im, Inak bin meigim God gudbinji. Lagijat na im tok langa det buk gulum Jenasis.cJenasis 5:21-24 6Wi sabi nobodi kaan meigim God gudbinji if dei nomo bilib, dumaji if enibodi wandi kaman langa God, im garra bilib God im deya, en im garra bilib God im oldei album detlot pipul hu lukabat im brabliwei.
7Dumaji Nowa bin bilib, wal wen God bin gibit im woning blanga det fladwoda weya garra hepin, imbin duwit langa im, en imbin meigim det bout blanga seibum im femili olabat. En dumaji imbin bilib lagijat, wal imbin shoum ol detlot najalot pipul olabat bin rong, en deibin ol dai. En dumaji imbin bilib, God bin meigim im gudbala men.dJenasis 6:13-22
8Dumaji Eibrahem bin bilib, wal wen God bin dalim im blanga go langa det kantri weya im garra gibit im, imbin duwit langa im, en imbin gowei brom im ron kantri langa najawan kantri weya im nomo bin sabi.eJenasis 12:1-5 9-10En dumaji imbin bilib lagijat, wal imbin go en jidan langa det streinjawan kantri weya God bin pramis blanga gibit im, en nomeda imbin weidabat God blanga gibit im det brabliwan taun weya God bin meigim, bat stil Eibrahem en im san Aisik en im grensan Jeikob bin oldei jidanbat garram tent.fJenasis 35:27
11Dumaji Eibrahem bin bilib, wal nomeda imbin olmen en im waif Sera nomo bin abum beibi, bat stil God bin gibit im san, dumaji imbin trastim God blanga kipum im pramis.gJenasis 18:11-14; 21:2 12En nomeda Eibrahem bin brabli olmen, bat stil God bin gibit im detmatj biginini en grenkid olabat, en det namba blanga olabat bin jis laik ola sta langa top en ola sengraun wansaid langa solwoda.hJenasis 15:5, 22:17, 32:12
13Wal nomeda ol detlot pipul na bin bilib brabliwei raidap deibin dai, bat stil dei nomo bin gedim ol detlot ting weya God bin pramisim olabat. Deibin luk ol detlot ting brom longwei, en deibin gudbinji. Bat deibin gulum miselp streinja iya langa dijan kantri,iJenasis 23:4; Fes Kranakuls 29:15; Ola Saam 39:12 14en wen deibin tok lagijat, deibin shoum detlot najalot pipul deibin lukabat olabat ronwan kantri. 15En wi sabi dei nomo bin tok blanga det kantri brom weya deibin kaman, dumaji if dei bina tok blanga det kantri brom weya deibin kaman, wal dei bina gobek langa det kantri. 16Yu si? Deibin lukabat det mobedawan kantri deya langa hebin, en God im nomo sheim wen dei gulum im God, dumaji imbin meigim det brabliwan taun redi blanga olabat.
17Dumaji Eibrahem bin bilib, wal wen God bin testim im, imbin duwit langa God, en im bina kilim im san ded blanga det sekrifais serramoni.jJenasis 22:1-14 18Basdam God bin meigim pramis langa Eibrahem. Imbin tok, “Ola grensan blanga yu garra kamat brom yu san Aisik.”kJenasis 21:12 19En nomeda God bin tok lagijat, bat stil Eibrahem bin duwit langa God, en im bina kilim im san, dumaji imbin trastim God, en imbin reken God bina meigim im san gidap laibala brom dedbala, en trubala God bin gibitbek Aisik langa im jis laik imbin gidap laibala.
20Dumaji Aisik bin bilib, wal wen imbin gibit im laswan wed langa im san dubala neim Jeikob en Isau, God bin shoum im wanim garra hepin langa dubala bambai.lJenasis 27:27-29, 39-40
21Dumaji Jeikob bin bilib, wal wen imbin gulijap taim blanga im blanga dai, imbin gibit im laswan wed langa det dubala san blanga Josef, en imbin holdimap miselp garram im wokinstik, en imbin weship God.mJenasis 47:31, 48:20
22Dumaji Josef bin bilib, wal wen imbin gulijap taim blanga im blanga dai, imbin dalim im femili olabat God garra deigidawei olabat brom Ijip bambai, en imbin dalim olabat wanim dei garra dum garram im bodi wen det taim garra kaman.nJenasis 50:24,25; Eksadas 13:19
23Dumaji det mami en dedi blanga Mosis bin bilib, wal afta wen imbin bon, dubala bin luk imbin purdiwan beibi, en dubala bin blandim im fo 3 mants, dumaji dubala nomo bin bradin blanga det king.oEksadas 1:22, 2:2
24Dumaji Mosis bin bilib, wal wen imbin growap, im nomo bin wandim enibodi blanga gulum im san blanga det king doda, dumaji im nomo bin wandi bulurrum det nogudbalawei en abum gudtaim fo lilwail.pEksadas 2:10-12 25Imbin wandi joinin garram detlot pipul blanga God en abum det seim trabul laik olabat. 26Imbin sabi ola san blanga det king doda garra gedim olkain gudbala ting brom det kantri. Bat imbin reken im mobeda im abum trabul dumaji imbin bulurrum God, dumaji imbin oldei jinggabat wanim im garra gedim brom God bambai.
27Dumaji Mosis bin bilib, wal imbin gowei brom det kantri, en im nomo bin bradin blanga det king, en imbin jandap strongbala, dumaji imbin sabi det boswan weya nobodi kaan luk.qEksadas 2:15 28En dumaji imbin bilib lagijat, wal imbin abum det Pasoba Serramoni, en imbin dalim ola Isreil pipul blanga rabum det blad langa olabat haus, en ola feswan san blanga olabat nomo bin dai wen det speshalwan einjul bin go thru langa det kantri en kilim ola feswan san ded.rEksadas 12:21-30
29Dumaji detlot Isreil pipul bin bilib, wal deibin krosim det solwoda gulum Redsi ontop langa draiwan graun, en wen detlot Ijip solja bin trai en krosim det solwoda langa det draiwan graun, det solwoda bin gaburrumap olabat, en deibin ol dai.sEksadas 14:21-31
30Dumaji detlot Isreil pipul bin bilib, wal wen deibin wok raidaran langa Jeriko, langa det namba 7 dei det wol blanga det taun bin buldan.tJoshuwa 6:12-21 31En dumaji det nogudbala gel neim Reiheb bin bilib, wal imbin album det dubala Isreil men hubin kaman langa det taun snikinwei basdam, en im nomo bin dai garram ol detlot najalot pipul langa det taun wen det wol bin buldan.uJoshuwa 2:1-21; 6:22-25
32Wal ai kaan kipgon tok, dumaji ai nomo garram naf taim blanga dalim yumob blanga Gidiyan en Barak en Semsan en Jeftha en Deibid en Semyul en ola najalot speshalwan mesinja blanga God.vJadjis 4:6-5:31, 6:11-8:32, 11:1-12:7, 13:2-16:31; Fes Semyul 1:1; Fes Kings 2:11 33Dumaji deibin bilib, wal deibin fait langa ola strongbala ami, en deibin oldei bidim olabat, en deibin oldei dum ebrijing raitwei, en deibin gedim wanim God bin pramis.
Wal yumob sabi wanim bin hepin langa ol detlot pipul hubin bilib. Wen detlot nogudbala pipul bin oldei tjakam olabat langa laiyan, det laiyan nomo bin kilim olabat,wDenyul 6:1-27 34en wen deibin trai en barnimap olabat langa faiya, det faiya nomo bin ardim olabat, en wen deibin oldei trai en kilim olabat garram naif, deibin gidawei. Nomeda detlot pipul hubin bilib bin wikwan, bat stil God bin meigim olabat jidan strongbala, en God bin meigim olabat fait brabliwei, en deibin oldei bidim ola enami blanga olabat.xDenyul 3:1-30 35En dumaji sambala wuman bin bilib, wal deibin gedimbek olabat femili brom dedbala.
Bat sambala pipul hubin bilib nomo bin kamat fri brom det trabul weya deibin abum. Wen detlot nogudbala pipul bin oldei trai en meigim olabat tok nogudbalawei blanga God en tenawei brom im, detlot bilibamob nomo bin duwit langa olabat, en detlot nogudbala pipul bin kilim olabat ded. Detlot bilibamob nomo bin tenawei en meigim miselp fri, dumaji deibin wandim det mobedawan laif weya God garra gibit olabat bambai.yFes Kings 17:17-24; Sekan Kings 4:25-37 36En detlot nogudbala pipul bin oldei mokimbat sambala bilibamob en beldimbat olabat garram wip. En deibin oldei taiyimapbat sambala bilibamob garram tjein en tjakam olabat langa jeilhaus,zFes Kings 22:26,27; Sekan Kranakuls 18:25,26; Jeramaiya 20:2, 37:15, 38:6 37en deibin oldei stonim sambala bilibamob ded, en deibin oldei kadim sambala bilibamob bodi haf garram sau blanga meigim olabat dai, en deibin oldei kilim sambala bilibamob ded garram naif. Sambala bilibamob bin lafta werrimonbat enimul skin blanga klos dumaji dei nomo bin abum eni mani blanga baiyim klos, en detlot nogudbala pipul bin oldei tridimbat olabat nogudbalawei. En deibin oldei meigimbat trabul blanga olabat,aaSekan Kranakuls 24:21 38en detlot bilibamob bin oldei lafta wokaran ebriweya langa deset kantri en langa hil kantri, en deibin oldei lafta silip eniweya langa keib.
Wal trubala ai dalim yumob. Ola pipul bin tridimbat ol detlot bilibamob jis laik rabish.
39Wal God bin tok gudbalawei blanga ol detlot pipul hubin bilib brabliwei. Bat im nomo bin gibit olabat wanim imbin pramis bifo deibin dai, dumaji imbin abum mobedawan plen blanga wi. 40Dei garra lafta weit blanga wi, dumaji God garra meigim wi holot jidan brabli gudbalawei mijamet.

a11:3: Jenasis 1:1; Ola Saam 33:6,9; Jon 1:3

b11:4: Jenasis 4:3-10

c11:5: Jenasis 5:21-24

d11:7: Jenasis 6:13-22

e11:8: Jenasis 12:1-5

f11:9: Jenasis 35:27

g11:11: Jenasis 18:11-14; 21:2

h11:12: Jenasis 15:5, 22:17, 32:12

i11:13: Jenasis 23:4; Fes Kranakuls 29:15; Ola Saam 39:12

j11:17: Jenasis 22:1-14

k11:18: Jenasis 21:12

l11:20: Jenasis 27:27-29, 39-40

m11:21: Jenasis 47:31, 48:20

n11:22: Jenasis 50:24,25; Eksadas 13:19

o11:23: Eksadas 1:22, 2:2

p11:24: Eksadas 2:10-12

q11:27: Eksadas 2:15

r11:28: Eksadas 12:21-30

s11:29: Eksadas 14:21-31

t11:30: Joshuwa 6:12-21

u11:31: Joshuwa 2:1-21; 6:22-25

v11:32: Jadjis 4:6-5:31, 6:11-8:32, 11:1-12:7, 13:2-16:31; Fes Semyul 1:1; Fes Kings 2:11

w11:33: Denyul 6:1-27

x11:34: Denyul 3:1-30

y11:35: Fes Kings 17:17-24; Sekan Kings 4:25-37

z11:36: Fes Kings 22:26,27; Sekan Kranakuls 18:25,26; Jeramaiya 20:2, 37:15, 38:6

aa11:37: Sekan Kranakuls 24:21