41Wal ol yumob bos, yumob garra tridim yumob wekinmen olabat raitwei, dumaji yumob sabi yumob garram bos du deya langa hebin.aIfishans 6:9
2
Wal ol yumob Kristjan pipul, yumob garra oldei kipgon prei. En wen yumob prei, yumob garra oldei jinggabat gudwei, en yumob garra oldei gibit theingks langa God. 3En yumob garra oldei prei blanga mi en main wekinmen olabat du. Yumob garra askimbat God blanga gibit melabat tjens blanga dalimbat det wed blanga Jisas Krais. Nobodi bin sabi det wed bifo Jisas Krais bin kaman en shoum wi. En tudei mi iya langa dijan jeilhaus dumaji mi oldei dalimbat det wed blanga im.
4Wal yumob garra askim God blanga album mi dalimbat det gudnyus brabliwei wulijim ola pipul garra sabi, dumaji God wandim mi blanga tok brabliwei lagijat na.
5-6En yumob garra oldei jinggabat brabliwei hau yumob oldei tridimbat detlot pipul hu nomo bilib. Yumob nomo wandi weistimbat taim, dumaji yumob garra tok gudbalawei langa detkain pipul blanga meigim olabat jinggabat Jisas Krais, en yumob garra sabi hau blanga gibit olabat det raitwan ensa wen dei askimbat yumob kwestjan.bIfishans 5:16
Pol im tok gudbai na
7-8Wal ai garra jandim det braja blanga wi neim Titjakas langa yumob. Minbala jidan wekinmen mijamet, en wi ol laigim im brabliwei, en im brabli trubala wekinmen blanga Jisas Krais det bos blanga wi. En ai garra jandim im langa yumob blanga dalim yumob blanga mi, en im garra dalim yumob ola nyus blanga melabat iya langa dijan pleis weya mi jidan, en im garra album yumob en meigim yumob gudbinji.c,8Eks 20:4; Ifishans 6:21,22; Sekan Timathi 4:12
9Wal ai garra jandim det najawan braja blanga wi neim Onesamas garram Titjakas. Imbin kaman brom yumob, en wi laigim im brabliwei, en wi trastim im du. En dubala garra dalim yumob ebrijing wanim bin hepin iya.dFailiman 1:10-12
10Wal det Juwish men neim Aristakas im jidan prisana iya du langa dijan jeilhaus garram mi, en im tok gudei langa yumob. En det najawan Juwish men neim Mak det barnga blanga Banabas im tok gudei langa yumob du. Yumob bin gedim wed olredi blanga welkam Mak if im kamat langa yumob bambai.eEks 12:12,25; 13:13; 15:37-39; 19:29; 27.2; Failiman 1:24 11En det Juwish men neim Joshuwa weya sambala pipul oldei gulum Jastas im tok gudei langa yumob du. Nomo enimo Juwish men wek garram mi dalimbat det gudnyus blanga Jisas Krais det brabliwan king. Oni detlot thribala Juwish men na, en deibin album mi langa ebrijing brabliwei.
12Wal det najawan men brom yumob neim Apefras im iya garram mi, en im tok gudei langa yumob du. Im wekinmen blanga Jisas Krais, en im oldei prei blanga yumob brabliwei, en im oldei askimbat God blanga meigim yumob jandap brabli strongbala en jinggabat wanwei en sabi en dum ebrijing God wandim.fKolos 1:7; Failiman 1:23 13Trubala ai dalim yumob. Aibin luk im oldei adwek blanga yumob pipul deya langa Kalosai, en im oldei adwek blanga ol detlot pipul langa det dubala taun gulum Leiyadasiya en Hiriyapalas du.
14Det dokta neim Luk im brabliwan fren blanga wi, en im en det men neim Dimas dubala tok gudei langa yumob du.gSekan Timathi 4:10,11; Failiman 1:24
15Wal yumob garra tok gudei langa ola Kristjan braja blanga wi deya langa Leiyadasiya, en yumob garra tok gudei langa det gel neim Nimfa en langa ola Kristjan braja hu oldei abumbat miting deya langa im kemp.
16Wal afta wen yumob ridim dijan leda deya langa yumob tjetj, yumob garra jandim dijan leda langa det tjetj deya langa Leiyadasiya. Aibin jandim wanbala leda langa olabat du, en afta wen dei ridim det leda, dei garra jandim det leda langa yumob blanga ridim langa yumob tjetj du.
17Wal yumob garra dalim Akapas blanga binijim det wek weya Jisas Krais det bos blanga wi bin gibit im blanga dum.hFailiman 1:2
18Wal mi na, Pol, mi tok gudei langa yumob. En garram main ronwan bingga aibin raidimdan dijan laswan wed.
Wal yumob garra jinggabat mi weya mi taidap garram tjein iya langa dijan jeilhaus.
Wal mi askim God blanga jidan brabli kainbala langa yumob.
Binij na.

a4:1: Ifishans 6:9

b4:5: Ifishans 5:16

c4:7: ,8Eks 20:4; Ifishans 6:21,22; Sekan Timathi 4:12

d4:9: Failiman 1:10-12

e4:10: Eks 12:12,25; 13:13; 15:37-39; 19:29; 27.2; Failiman 1:24

f4:12: Kolos 1:7; Failiman 1:23

g4:14: Sekan Timathi 4:10,11; Failiman 1:24

h4:17: Failiman 1:2