Eisaf bin raidimdan dijan song blanga det boswan blanga ola myusik.
811Sing langa God gudbinjiwei!
Im na oldei maindimbat wi.
Preisim wi God, det God blanga wi grengrenfatha Jeikob.
2Stadimap det myusik. Plei det lilwan dram.
Plei gudwan myusik garram olkain gita.
3Blowim detlot hon blanga abum det dubala serramoni blanga nyumanth en wen im fulmun.aNambas 10:10
4Dijan na det lowa blanga Isreil,
en imbin kaman brom det God blanga Jeikob.
5Imbin gibit det lowa langa detlot Isreil pipul wen imbin deigimwei olabat brom Ijip.
Aibin irrim sambodi tok bat ai nomo bin sabi hu. Imbin tok,
6“Aibin deigimwei ola hebiwan loud brom yumob bekboun, ol detlot brabli adwek langa Ijip.
7Wen yumob bin abumbat trabul, yumob bin jingat langa mi en aibin seibum yumob.
Aibin ensim yumob brom main haiding pleis deya langa det stom klaud.
Aibin testimbat yumob deya langa det springwoda langa Meriba.bEksadas 17:7; Nambas 20:13
8Main pipul olabat, lisin langa main woning!
Isreil, yumob nomo sabi haumatj ai wandim yumob blanga lisin langa mi.
9Yumob nomo lau weship eni drimin.
10Mi na YAWEI det trubala God blanga yumob hubin bringimat yumob brom Ijip.
If yumob jidan trubala langa mi, ai garra gibit yumob ola gudbala ting, jis laik det mamiwan bard weya im gibit daga langa im beibi.cEksadas 20:2,3; Dyudaranami 5:6,7
11“Bat main pipul olabat nomo bin lisin langa mi.
Ola Isreil pipul nomo bin wandi teiknodis langa mi.
12Aibin lafta larram olabat dum wanim deibin wandim dum dumaji olabat nomo bin wandim lisin langa mi.
13Brabliwei ai wandim main pipul olabat blanga lisin langa mi.
If dei bina duwit langa mi,
14ai bina bidim olabat enami kwikbalawei.
Ai bina bidim olabat garram main pawa.
15Detlot hu nomo laigim mi garra nildan bradinwei langa mi,
en ai garra panishim olabat olagija.
16Bat if yumob teiknodis langa mi ai garra meigim yumob brabli bulap binji garram ola brabli gudwan sid daga en brabli switwan shugabeig.”
God na det Haibalawan Bos

a81:3: Nambas 10:10

b81:7: Eksadas 17:7; Nambas 20:13

c81:9-10: Eksadas 20:2,3; Dyudaranami 5:6,7