41Ensim mi wen mi jingat langa yu, God,
dumaji yu na oldei dum ebrijing raitwei.
Ai garram detmatj trabul en mi filim miselp wikwan.
Album mi en deigimat mi brom dijan trabul.
Yu kain langa mi en irrim main preya.
2En yumob pipul na.
Haulong yumob kaan rispek langa mi eni mowa?
Haulong yumob garra laigimbat ola nogudbala ting, en dalimbat pipul detlot wed weya nomo trubala?
3Bat yumob jinggabat dijan na!
YAWEI bin pikimat detlot pipul hu bulurrum im raitwei.
Wen ai jingat langa im, im irrim mi.
4Yumob garra bradin langa God,
en stap dumbat nogudbala ting.
Wen yumob leidan kwaitbalawei naitaim,
jinggabat wanim bin hepin,aIfishans 4:26
5Gibit ola raitwan ofring langa YAWEI,
en trastim langa im.
6Loda pipul tok, “Oni melabat garram trabul.
Nobodi dum eni gudbala ting blanga melabat!”
Wal mi askimbat yu, YAWEI.
Teiknodis en kain langa melabat.
7Bat yu na bin meigim mi gudbinji brabliwei.
Ola pipul garram loda daga en wain en olabat jidan gudbinji,
bat oni blanga lilbit taim.
Yu na meigim mi gudbinji olataim!
8Wen mi go silip naitaim mi nomo wori.
Mi silip streidawei,
dumaji ai sabi yu kipum mi seif.
Oni yu na, YAWEI, lukaftumbat mi lagijat.
Preya wulijim YAWEI gin maindimbat mi

a4:4: Ifishans 4:26