Song blanga Deibid.
241Ola graun blanga YAWEI det trubala God,
en ebrijing langa dijan graun blanga im du.
Ola kantri blanga im,
en ola pipul hu jidan langa olabat blanga im du.aFes Karinthiyans 10:26
2Imbin pudum detlot kantri ontopwei,
en ola woda andanithwei.
3Yumob ensim dijan!
Wujan pipul gin gowap langa det hil blanga YAWEI?
Wujan pipul gin jandap deya langa im Serramoni Pleis?
4Yumob irrim!
Ol detlot pipul hu jidan klinbala brom dumbat en jinggabat ol detlot nogudbala ting,
en ol detlot pipul hu nomo weship difrinwan drimin,
en ol detlot pipul hu meigim pramis en dum,
wal ol dislot pipul na gin gowap langa det serramoni pleis.bMethyu 5:8
5En ol detlot pipul weya YAWEI oldei dumbat gudbala ting blanga olabat,
en seibum olabat en meigim olabat gudbinji,
6wal dislot pipul na kaman blanga weship YAWEI, det God blanga Jeikob.
7Yumob irrim!
Opinap, ol yumob bigwan geit!
Opinap, ol yumob olwan dowa!
Det brabli haibala king garra gowin!
8Yumob ensim dijan!
Hu dijan brabli haibala king?
Im YAWEI, strongwan garram pawa.
Im YAWEI weya fait garram pawa,
en bidim im enami olabat.
9Yumob irrim!
Opinap, ol yumob bigwan geit!
Opinap, ol yumob olwan dowa!
Det brabli haibala king garra gowin!
10Yumob ensim dijan!
Hu dijan brabli haibala king?
Im YAWEI, det trubala haibala God.
Im na det brabli haibala king.
Dijan preya blanga shoum wi det raitwei en blanga maindimbat wi

a24:1: Fes Karinthiyans 10:26

b24:4: Methyu 5:8