Ola Saam 53
141Siliwan pipul reken, “God nomo iya!”
Olabat holot brabli nogudwan,
en olabat bin dumbat ola brabli nogud ting.
Nobodi iya dum enijing rait.
2YAWEI im lukdan brom hebin blanga luk if enibodi jidan raitwei,
en if enibodi weship im du.
3Bat deibin ol tenawei brom YAWEI, en holot na jidan nogudwan.
Nobodi dum rait ting enimo.aRomans 3:10-12
4YAWEI im tok, “Maitbi dei nomo sabi.
Wotfo dei kaan len, dislot nogud pipul?
Detlot nogudbala pipul oldei deigimwei ebrijing brom main pipulmob.
Detlot nogudbala pipul nomo jingat langa mi.”
5Bat bambai God garra meigim olabat bradin brabliwei,
dumaji im jidan garram ol detlot pipul hu teiknodis langa im.
6Detlot nogudbala pipul gibit adtaim langa ola powan pipul hu nomo garram enijing,
bat YAWEI im maindimbat olabat.
7Mi prei adbalawei langa YAWEI weya im jidan langa Saiyan, blanga seibum ola pipul langa Isreil.
Olabat garra jidan gudbinji brabliwei wen YAWEI garra meigim olabat abum ebrijing igin.
Wanim God wandim

a14:1-3: Romans 3:10-12