1361YAWEI det trubala God im gudbala langa wi.
Dumaji im gudbala langa wi, blanga tharran na wi garra gibit im theingks.
Trubala, im laigim wi tudei en olagijawan.aFes Kranakuls 16:34; Sekan Kranakuls 5:13; 7:3; Esra 3:11; Ola Saam 100:5; 106:1; 107:1; 118:1; Jeramaiya 33:11
2Im na det brabli haibala God.
Blanga tharran na, wi garra gibit im theingks.
Trubala, im laigim wi tudei en olagijawan.
3Im na det bos.
Dumaji im bos, wal wi garra gibit im theingks.
Trubala, im laigim wi tudei en olagijawan.
4Im dum ola brabli klebabala ting weya nobodi iya kaan dum.
Trubala, im laigim wi tudei en olagijawan.
5Im na sabi ebrijing brabliwei.
Lagijat na imbin meigim det skai.
Trubala, im laigim wi tudei en olagijawan.bJenasis 1:1
6Imbin meigim det graun jidan ontop langa det solwoda.
Trubala, im laigim wi tudei en olagijawan.cJenasis 1:2
7Imbin meigim ola lait.
Trubala, im laigim wi tudei en olagijawan.
8Imbin meigim det san shain deitaim.
Trubala, im laigim wi tudei en olagijawan.
9Imbin meigim det mun en ola sta shain naitaim.
Trubala, im laigim wi tudei en olagijawan.dJenasis 1:16
10-12God bin panishim detlot pipul langa Ijip,
en imbin kilim ded ola feswan san blanga olabat.
Trubala, im laigim wi tudei en olagijawan.
Garram im strongwan pawa, imbin seibum ola Isreil pipul brom Ijip.
Trubala, im laigim wi tudei en olagijawan.eEksadas 12:29,51
13Imbin kadimat det solwoda gulum Redsi.
Trubala, im laigim wi tudei en olagijawan.
14Imbin deigim detlot Isreil pipul thru langa midul.
Trubala, im laigim wi tudei en olagijawan.
15Bat imbin draundim Fero en im solja olabat deya langa det Redsi.
Trubala, im laigim wi tudei en olagijawan.fEksadas 14:21-29
16Imbin deigim im pipul thru langa det bush kantri.
Trubala, im laigim wi tudei en olagijawan.
17Imbin kilim ded ola strongbala boswan.
Trubala, im laigim wi tudei en olagijawan.
18Imbin kilim ded detlot boswan weya ebribodi sabi.
Trubala, im laigim wi tudei en olagijawan.
19Imbin kilim ded Saihan, det boswan blanga ola Emarait pipul.
Trubala, im laigim wi tudei en olagijawan.gNambas 21:21-30
20Imbin kilim ded Og, det king blanga ola Beishan pipul.
Trubala, im laigim wi tudei en olagijawan.hNambas 21:31-35
21-22Imbin pulumat olabat kantri,
en imbin gibit langa ola Isreil pipul friwan.
Trubala, im laigim wi tudei en olagijawan.
23Imbin jinggabat wi wen wibin jidan brabli nogudbinji.
Trubala, im laigim wi tudei en olagijawan.
24Imbin seibum wi brom wi enami olabat.
Trubala, im laigim wi tudei en olagijawan.
25Im gibit daga langa ebribodi en langa ola enimul du.
Trubala, im laigim wi tudei en olagijawan.
26Gibit theingks langa YAWEI.
Im deya langa hebin.
Trubala, im laigim wi tudei en olagijawan.
Detlot Isreil pipul bin jidan nogudbinji langa streinja kantri

a136:1: Fes Kranakuls 16:34; Sekan Kranakuls 5:13; 7:3; Esra 3:11; Ola Saam 100:5; 106:1; 107:1; 118:1; Jeramaiya 33:11

b136:5: Jenasis 1:1

c136:6: Jenasis 1:2

d136:7-9: Jenasis 1:16

e136:10-12: Eksadas 12:29,51

f136:13-15: Eksadas 14:21-29

g136:19: Nambas 21:21-30

h136:20: Nambas 21:31-35