Deibid bin raidimdan dijan song.
1241If YAWEI nomo bina jidan garram wi, wanim bina hepin langa wi?
Yumob Isreil pipul ensim mi!
2“If YAWEI nomo bina jidan garram wi wen wi enamimob bin kaman blanga fait langa wi,
3dei bina binijimap wi,
dumaji deibin wail langa wi detmatj,
4en jis laiga fladwoda, olabat bina deigimwei wi en gaburrumap wi,
5en det fladwoda bina binijimap wi na.”
6Wi gibit theingks langa YAWEI.
Im nomo bin larram wi enamimob kilim wi ded, jis laiga brabli jigiwan dog.
7Wibin ranawei friwan wulijim bard wen im flaiwei brom det breikinwan trep.
8Oni YAWEI na oldei albumbat wi.
Im na bin meigim det skai en dijan graun.
God oldei maindim im pipul olabat