1061Preisim YAWEI det trubala God!
Gibit theingks langa YAWEI, dumaji im gudwan.
Blanga im filing blanga laigim pipul jidan olagijawan.aFes Kranakuls 16:34; Sekan Kranakuls 5:13; 7:3; Esra 3:11; Ola Saam 100:5; 107:1; 118:1; 136:1; Jeramaiya 33:11
2Hu gin tok blanga ola brabli gudbala ting imbin dum?
Hu gin preisim im detmatj?
3Ol detlot pipul hu teiknodis langa im lowa, en hu oldei dumbat ola raitwan ting,
olabat na jidan gudbinjiwei.
4YAWEI, yu jinggabat mi wen yu album yu pipul olabat.
Wen yu seibum olabat, yu dum seimwei langa mi du,
5wulijim ai garra jidan gudbinji en preisim yu garram ol yu pipul olabat blanga ola gudbala ting weya yu gibit melabat.
6Melabat bin dumbat ola nogudbala ting jis laik melabat grengrenfatha olabat bin oldei dumbat.
Melabat bin brabli wikitwan en brabli nogudbala pipul.
7Wen melabat grengrenfatha olabat bin jidan langa Ijip,
olabat nomo bin sabi detlot brabli gudbala ting weya YAWEI bin oldei dumbat.
Deibin fogedabat hau imbin oldei shoum olabat haumatj imbin laigim olabat,
en deibin gibit im bekboun deya wansaid langa det Redsi.bEksadas 14:10-12
8Bat imbin seibum olabat jis laik wen imbin pramisim blanga shoum im haibala pawa.
9YAWEI bin tok langa det Redsi en imbin draiyap streidawei.
Imbin deigim im pipul olabat kros langa draiwan graun.
10Imbin seibum olabat brom ol detlot pipul hubin heidimbat olabat.
Imbin seibum olabat brom olabat enami olabat.
11Bat woda bin draundim olabat enami olabat.
Nomo wanbala bin laib. Holot bin binijap,
12en ol im pipul olabat bin bilib im wed,
en deibin sing song blanga preisim im.cEksadas 14:21-31; 15:1-21
13Bat streidawei deibin fogedabat wanim imbin dum,
en dei nomo bin weit blanga faindat wanim imbin wandi dalim olabat.
14Deya langa det deset kantri brabliwei olabat bin wandim det gudbala daga laik deibin oldei abum deya langa Ijip,
en lagijat na deibin meigim God gitwail langa olabat.
15Imbin gibit olabat wanim deibin wandimbat,
bat seimtaim imbin jandim nogudwan siknis langa olabat du.d,15Nambas 11:4-34
16Deya na langa det deset kantri deibin git jelas langa Mosis,
en deibin git jelas langa Eran det serramonimen weya YAWEI bin pikimat.
17Brom deya det graun bin opinap en julurum Deithan,
en gaburrumap Ebiram en im femili olabat.
18Faiya bin kamdan langa ol detlot pipul hubin oldei bulurrumbat olabat,
en det faiya bin barnimap ol detlot brabli nogudbala pipul.eNambas 16:1-35
19Deibin meigim golwan buligi sheip deya langa Sainai,
en deibin weshipbat det laiyawan drimin sheip.
20Deibin libum det pawa en brabli shainiwan lait blanga God,
en deibin weshipbat det laiyawan buligi sheip.
21Deibin fogedabat God hubin seibum olabat brom Ijip garram im strongbala pawa.
22Trubala imbin dum ola brabli gudbala ting!
Ola brabli klebabalawan ting imbin dum deya langa Redsi!
23God bin tok blanga binijimap im pipul olabat,
bat im wekinmen Mosis hu imbin pikimat, bin jandap langa God blanga detlot pipul en imbin stapam im.
Imbin stapam im wen imbin gitwail brabliwei.fEksadas 32:1-14
24Brom deya deibin nokambek det gudwan kantri,
dumaji olabat nomo bin bilib langa God pramis.
25Deibin jidan insaid langa olabat tent en deibin grambulbat,
en olabat nomo bin teiknodis langa YAWEI.
26Brabliwei imbin gibit olabat dijan woning,
“Yumob garra daidaibat iya langa dijan deset kantri,gNambas 14:1-35
27en ai garra jandimwei yumob biginini olabat langa ola streinjawan kantri en larram olabat dai deya.”hLabidakas 26:33
28Afta na langa det kantri Piyowa, God pipul olabat bin joinin blanga weship det drimin gulum Beil,
en deibin dagat det sekrifais daga weya deibin gibit blanga detlot dedwan drimin sheip.
29Deibin meigim YAWEI brabli wail na,
en brabli nogud siknis bin kaman langa olabat.
30Bat Finiyas bin gidap en panishim det dubala giltiwan pipul,
en God bin stapam det siknis.
31Brom det taim na pipul oldei jinggabat wanim imbin dum,
en dei kaan neba fogedabat wanim imbin dum.iNambas 25:1-13
32Langa detlot spring langa Meriba ola pipul bin meigim YAWEI gitwail brabliwei,
en Mosis bin abum trabul brom olabat du.
33Deibin meigim im brabli nogud,
en imbin gitwail en tok adwei langa olabat.j,33Nambas 20:2-13
34YAWEI bin dalim olabat blanga kilim ded detlot pipul hu nomo bin bilib langa im,
bat olabat nomo bin duwit.
35En olabat bin merriyimbat langa olabat,
en deibin bulurrumbat det wei blanga olabat.
36God pipul olabat bin weshipbat ola drimin sheip,
en tharran na bin meigim ola nogud ting binijimap olabat.kJadjis 2:1-3; 3:5,6
37Deibin gibitbat olabat ronwan san en doda olabat blanga sekrifais ofring langa ola drimin sheip langa det kantri Keinan.lSekan Kings 17:17
38Deibin kilimbat ded ol detlot biginini hu nomo bin sabi dumbat eni rong ting,
en det kantri bin jidan brabli nogudwan brom ol detlot medra.mNambas 35:33
39Deibin meigim miselp nogud brom dumbat nogudbala ting,
en dei nomo bin jidan trubala langa God.
40Wal YAWEI bin gitwail langa ol im pipul olabat.
Imbin brabli sheim en nogudbinji langa olabat.
41Imbin hendimoba olabat langa detlot pipul hu nomo bin bilib langa im,
en olabat enami olabat bin bosoba langa olabat.
42Olabat enami olabat bin gibit olabat brabli adtaim,
en deibin bosoba langa olabat du.
43Lodataim YAWEI bin seibum im pipul olabat,
bat dei nomo bin wandi irrim en teiknodis langa im,
en deibin jidan mowa nogudbala.
44Bat stil YAWEI bin oldei irrim olabat wen deibin oldei jingat langa im,
en imbin teiknodis blanga olabat trabul.
45Imbin jinggabat im strongbala pramis imbin meigim garram olabat.
En dumaji imbin laigim olabat detmatj, imbin holdimbek miselp.
46Imbin meigim detlot krulbala bos fil sori langa olabat du.nJadjis 2:14-18
47YAWEI, melabat God, yu seibum melabat,
en yu bringimbek melabat brom ola najalot kantri,
wulijim melabat garra gibit theingks en preisim yu holiwan neim.
48Preisim YAWEI det trubala God blanga Isreil.
Preisim im tudei en olagijawan!
Ebribodi tok, “Yuwai! Trubala!”
Preisim YAWEI det trubala God!o,48Sekan Kranakuls 16:35,36
Preisim God blanga im kainbalawei

a106:1: Fes Kranakuls 16:34; Sekan Kranakuls 5:13; 7:3; Esra 3:11; Ola Saam 100:5; 107:1; 118:1; 136:1; Jeramaiya 33:11

b106:7: Eksadas 14:10-12

c106:9-12: Eksadas 14:21-31; 15:1-21

d106:14: ,15Nambas 11:4-34

e106:16-18: Nambas 16:1-35

f106:19-23: Eksadas 32:1-14

g106:24-26: Nambas 14:1-35

h106:27: Labidakas 26:33

i106:28-31: Nambas 25:1-13

j106:32: ,33Nambas 20:2-13

k106:34-36: Jadjis 2:1-3; 3:5,6

l106:37: Sekan Kings 17:17

m106:38: Nambas 35:33

n106:40-46: Jadjis 2:14-18

o106:47: ,48Sekan Kranakuls 16:35,36