Ola femili lain blanga Benjamin
81-2Wal Binjaman bin abum faibala san. Olabat neim bin Bela, Eshbel, Eihera, Noha en Refa.
3-5Wal detlot san blanga Bela bin Eda, Gira, Abaihad, Ebishuwa, Neiman, Ahowa, Gira, Shefufan en Huram.
6-7Wal detlot san blanga Ihud bin Neiman, Ahija en Gira. Deibin jidan boswan blanga ol detlot femilimob hubin jidan langa Geba, bat sambodi bin meigim olabat gowei en jidan langa Menahath. Gira det dedi blanga Yusa en Ahihad bin go lida blanga olabat wen deibin go en jidan langa Menahath.
8-10Wal Shaharaiyim bin andimwei im dubala waif Hushim en Beira. Afta na wen imbin jidan langa det kantri gulum Moweb imbin merrit langa Hodesh, en dubala bin abum sebenbala san neim Jobab, Saibiya, Misha, Melkam, Jeyus, Sekiya en Mirama. Ol im san olabat bin jidan bos langa olabat femili.
11En imbin abum dubala mowa san blanga im feswan waif gulum Hushim en deibin neim Ebitab en Elpeil. 12Elpeil bin abum thribala san gulum Iba, Misham en Shemed. Wal Shemed na bin bildimap det dubala taun gulum Ono en Lod en detlot najalot lilwan taun deya gulijap du.
Ola femili lain blanga Geth en Aijalan
13-16Wal Beraiya en Shema, dubala bin jidan bos blanga ol detlot femili hubin jidan langa det taun gulum Aijalan, en deibin andimwei detlot pipul hubin jidan langa Geth. En detlot san blanga Beraiya bin Ahiyo, Shashak, Jeramath, Sebadaiya, Erad, Ida, Maikul, Ishpa en Joha.
Detlot Benjamin pipul hubin jidan langa Jerusalem
17-18Wal detlot san blanga Elpeil bin Sebadaiya, Meshalam, Hiskai, Hiba, Ishmerai, Islaiya en Jobab.
19-21Wal detlot san blanga Shimiyai bin Jeikim, Sikri, Seibdai, Eliyeinai, Silethai, Eliyel, Adaiya, Beraiya en Shimrath.
22-25Wal detlot san blanga Shashak bin Ishpan, Iba, Eliyel, Ebdan, Sikri, Henan, Henanaiya, Elam, Entathija, Ifdeiya en Penyuwel.
26-27Wal detlot san blanga Jeroham bin Shamsherai, Sheharaiya, Ethalaiya, Jareshaiya, Ilaija en Sikri.
28Wal ol dislot na bin ola grengrenfatha boswan blanga ol detlot femili hubin jidan langa Jerusalem.
Detlot Benjamin pipul hubin jidan langa Gibiyan en Jerusalem
29Wal Jeiyel bin stadimap det taun gulum Gibiyan en imbin jidan deya. Im waif neim bin Meiyaka. 30En im feswan san bin neim Ebdan. En im najalot san bin neim Suya, Kish, Beil, Nera, Neideb, 31Gedowa, Ahiyo, Sekaraiya en 32Mikloth hubin dedi blanga Shimiya. Ol detlot femili na bin jidan langa Jerusalem gulijap langa detlot najalot femili langa olabat ronwan klen.
Det femili blanga King Sol
33Wal Nera bin det dedi blanga Kish, en Kish bin det dedi blanga King Sol. Sol bin abum fobala san neim Jonathan, Melkishuwa, Abinadeb en Eshbeil. 34Jonathan bin det dedi blanga Meribeil en imbin det dedi blanga Maika.
35-37Wal Maika bin abum fobala san neim Pithon, Melekai, Tareiya en Eihes. Eihes bin det dedi blanga Jehoyada, en imbin det dedi blanga thribala san neim Elamath, Esmabeth en Simri. Simri bin det dedi blanga Mosa, en Mosa bin det dedi blanga Biniya, en Biniya bin det dedi blanga Refa, en Refa bin det dedi blanga Eliyeisa, Eliyeisa bin det dedi blanga Esel.
38Wal Esel bin abum siksbala san neim Esrikam, Bokeru, Ishmeil, Shiyaraiya, Obadaiya en Henan. 39Det braja blanga Esel gulum Eshek bin abum thribala san neim Yulam, Jeyus en Elifalet.
40Ol detlot san blanga Yulam bin jidan brabli gudwan solja, en deibin yusum olabat bo en erro gudwei du. Imbin abum 150 san en grensan. Ol dislot na bin brom det Benjamin klen.