God bin gibit tenbala lowa
Dyudaranami 5:1-21
201Brom deya God bin tok dislot wed, 2“Mi na YAWEI det trubala God hubin deigidawei yumob brom Ijip weya detlot pipul bin meigim yumob jidan jis laiga prisana en dumbat ola adwek.
3“Yumob nomo lau blanga bulurrum eni drimin. Oni mi na.
4“Yumob nomo lau blanga meigim enikain sheip en buldan langa im en weship langa im. Yumob nomo lau blanga meigim sheip laik enijing langa top o enijing langa graun o enijing langa woda. 5Yumob nomo lau blanga baudan langa enikain ting en weship langa im, dumaji mi na YAWEI det God blanga yumob, en ai nomo laigim enijing blanga deigim main pleis. Ai garra panishim ol detlot pipul hu nomo laigim mi, en ai garra meigim det panishmen jidan langa olabat biginini raidap langa det namba 4 jinareishan. 6Bat detlot pipul hu laigim mi en bulurrum ol detlot lowa main, ai garra shoum olabat ai laigim olabat du. Ai garra shoum loda pipul ai laigim olabat brabliwei.aEksadas 34:6,7,17; Labidakas 19:4; 26:1; Nambas 14:18; Dyudaranami 4:15-18; 7:9,10; 27:15
7“Yumob nomo lau blanga yusum main neim nogudbalawei, dumaji mi na YAWEI, en ai garra panishim enibodi hu yusum main neim rongwei.bLabidakas 19:12
8“Yumob garra jinggabat det Sebathdei en meigim im difrin brom detlot najalot dei.cEksadas 16:23-30; 31:12-14 9Aibin gibit yumob 6 dei blanga dum wek. 10Bat det namba 7 dei im Sebathdei blanga main. Yumob en yumob biginini olabat en yumob wekinmen en wekingel en ola enimul blanga yumob en eni streinja pipul hu jidan garram yumob, nobodi nomo lau blanga dum eni wek langa det Sebathdei.d,10 Eksadas 23:12; 31:15; 34:21; 35:2; Labidakas 23:3 11Mi na YAWEI det trubala God, en aibin meigim dis graun en skai en solwoda en ebrijing. Imbin deigim mi 6 dei blanga meigim, en langa det namba 7 dei aibin abum spel. Blanga tharran na aibin gudbinji blanga det Sebathdei, en aibin meigim im difrin brom detlot najalot dei.eJenasis 2:1-3; Eksadas 31:17
12“Yumob garra rispek en teiknodis langa yumob dedi en mami wulijim yumob garra jidan longtaim langa det kantri weya ai garra gibit langa yumob.fDyudaranami 27:16; Methyu 15:4; 19:9; Mak 7:10; 10:19; Luk 18:20; Ifishans 6:2,3
13“Yumob nomo lau blanga medrim enibodi.gJenasis 9:6; Labidakas 24:17; Methyu 5:21; 19:18; Mak 10:19; Luk 18:20; Romans 13:9; Jeims 2:11
14“Yumob nomo lau blanga silipsilip garram enibodi. Oni yumob waif o yumob hasbin.hLabidakas 20:10; Methyu 5:27; 19:18; Mak 10:19; Luk 18:20; Romans 13:9; Jeims 2:11
15“Yumob nomo lau blanga stilim enijing.iLabidakas 19:11; Methyu 19:18; Mak 10:19; Luk 18:20; Romans 13:9
16“Yumob nomo lau blanga dalim laiya.jEksadas 23:1; Methyu 19:18; Mak 10:19; Luk 18:20
17“Yumob nomo lau blanga wandimbat blanga naja men haus o im waif o im wekinmen o im buligi o im dongki o enijing weya im abum.”
Ol detlot wed na God bin tok.kRomans 7:7; 13:9
Ola pipul bin bradin
Dyudaranami 5:22-33
18En wen detlot pipul bin irrim det thanda, en deibin irrim det hon jingat, en deibin luk det laitining en det smok langa det hil, wal deibin brabli bradin, en deibin jandap longwei brom det hil,
19en deibin dalim Mosis, “Yu na garra tok langa melabat, en melabat garra lisin langa yu. Bat yu nomo larram God tok langa melabat, dumaji melabat bradin im mait meigim melabat dai.”l,19 Hibrus 12:18,19
20Wal Mosis bin tok, “Yumob kaan bradin. God bin kaman blanga testim yumob en blanga meigim yumob rispek langa im wulijim yumob garra kipgon duwit langa im.” 21Bat detlot pipul bin stil jandap longwei, en Mosis miselp bin go gulijap langa det dakwan klaud weya God bin jidan.
22Afta na YAWEI bin dalim Mosis, “Dijan na yu garra dalim detlot Isreil pipul. Yu garra tok, ‘Yumob bin luk hau YAWEI bin tok langa yumob brom top. 23Wal yumob kaan meigim enijing deigim pleis blanga im, en yumob kaan meigim enijing garram silba en gol en weship det ting. 24Yumob garra bildimap teibul blanga ofring garram graun blanga abum detlot sekrifais serramoni blanga YAWEI. Deya na langa det teibul yumob garra barnimap detlot ship en nenigout en buligi, en deya na yumob garra gibit detlot ofring gulum feloship ofring langa YAWEI. Langa ebri pleis weya YAWEI bin pikimat blanga yumob blanga weship langa im, deya na im garra kamdan langa yumob en meigim yumob gudbinji. 25If yumob meigim det teibul blanga ofring garram ston, yumob kaan kadim detlot ston, dumaji wen yumob kadim detlot ston, yumob meigim olabat nogud blanga yusum blanga det ofring blanga YAWEI.mDyudaranami 27:5-7; Joshuwa 8:31 26En wen yumob bildimap det teibul blanga ofring, yumob kaan bildimap garram step, dumaji YAWEI nomo wandim yumob garra shoum miselp bodi wen yumob galimap langa det haiwan step.’ Lagijat na, Mosis, yu garra tok langa detlot Isreil pipul.”

a20:4-6: Eksadas 34:6,7,17; Labidakas 19:4; 26:1; Nambas 14:18; Dyudaranami 4:15-18; 7:9,10; 27:15

b20:7: Labidakas 19:12

c20:8: Eksadas 16:23-30; 31:12-14

d20:9: ,10 Eksadas 23:12; 31:15; 34:21; 35:2; Labidakas 23:3

e20:11: Jenasis 2:1-3; Eksadas 31:17

f20:12: Dyudaranami 27:16; Methyu 15:4; 19:9; Mak 7:10; 10:19; Luk 18:20; Ifishans 6:2,3

g20:13: Jenasis 9:6; Labidakas 24:17; Methyu 5:21; 19:18; Mak 10:19; Luk 18:20; Romans 13:9; Jeims 2:11

h20:14: Labidakas 20:10; Methyu 5:27; 19:18; Mak 10:19; Luk 18:20; Romans 13:9; Jeims 2:11

i20:15: Labidakas 19:11; Methyu 19:18; Mak 10:19; Luk 18:20; Romans 13:9

j20:16: Eksadas 23:1; Methyu 19:18; Mak 10:19; Luk 18:20

k20:17: Romans 7:7; 13:9

l20:18: ,19 Hibrus 12:18,19

m20:25: Dyudaranami 27:5-7; Joshuwa 8:31