GORINLIL 1

 

Dhuwandja djorra’ nhanukuŋ Bolwuŋ, wukirriny ŋayi dhuwal bala yolŋuw walalaŋ Gurinlil wäŋalil, ga bulu bukmakkun yolŋuw walalaŋ bawalamirrilila wäŋalil.

 

Ga ŋunhiliyiny gan Gurindja wäŋaŋur yolŋu walal nhinan dhuwurr-yätjmirra, yakan manymak. Bala ŋayiny Bolyuny wukirrin walalaŋgun Garraywalaŋumirriwnha mala balayin wäŋalil marŋgikuŋala walalany nhaltjan walal dhu ga nhina nhanŋuwuy yan Garraywu ŋunhiliyi dhuwurr-yätjmirriwal yolŋuwal walalaŋgal malaŋur.

 

Dharrway wiripuwurruy yolŋu walal lakaraŋal nhanukal Bolwal ŋunhi ŋayi gan dhulmu-marimirriyin ŋunhiliyi Garraywalaŋumirriwal yolŋuwal walalaŋgal, balanya nhakun gan maŋutji-ḏiy’ marrtjin ga mala-wulkmaranhamin gan yolŋu walal ga marramba’ rom gan marrtjin ŋunhiliyi, ga walalnydja gan ŋunhi ŋurru-warryunnayŋuynydja yolŋuy walal yakan nhakun raypirri’yurrnydja yolŋunhany walalany ŋunhiliyiny.

 

Ga dhiyaŋ bala waluy limurr dhu ga ŋunhi Garraywalaŋumirriy yolŋu walal waŋa rom-lakaram raypirri’yunmirr balanyaŋuryi mala romŋur, nhä mala ŋayi dhu ga rom mala yätjkurr maḻŋ’thun dhuwalatjan limurruŋgalaŋuwurr ŋolkurr.