DJON 1

 

Dhuwandja ŋayi gan Djondhu wukirri worruŋuynha. Ga bitjan ŋayi dhuwal lakaramany marŋgikumany Garraywalaŋumirrinhany yolŋuny walalany dhiyalnydja djorra’ŋur gam’; Ŋunhi limurr ŋuli God-Waŋarrwal lakaram nhä mala limurruŋguwuy dhuwurr-yätj rom mala, ŋayiny ŋuli ŋunhi God-Waŋarryuny bäy-lakaraman limurruŋ bala rurrwuyunna limurruny beŋuryiny dhuwurr-yätjŋurnydja romŋur. (1:9)

 

Yolŋuny walal dhu ŋunhi marŋgithirr ŋunhi limurr ga Djesuwnydja märr-yuwalkmirriyirr ŋuli gal’ŋu limurr dhu ga märr-ŋamathirr wiripuwurruŋ yolŋuw walalaŋ. (3:11-24). God-Waŋarrnydja dhuwal märr-ŋamathinyamirr, ga nhanŋuny dhu ŋunhi yolŋu walal balanyayin nhakun ŋayipin yan, märr-ŋamathirra dhu ga ŋunha wiripuwurruŋguny yolŋuw walalaŋ. (4:1-12) Ga ŋuli ŋali dhu ga bitjan bili yan märr-ŋamathirr bukmakkuny yolŋu, ŋuriŋiyiny ga maŋutji-lakaram ŋunhi ŋali ŋuli ga djuḻkmaraman nhä malany dhuwurr-yätjnhany romnha.  Ga bitjandhi bili limurr dhu ga ŋunhi märr-yuwalkthirr yan ŋunhi Djesuny dhuwal God-Waŋarrwu Gäthu’mirriŋu, ga ŋayi ŋanya ŋunhi God-Waŋarryu djuy’yurrnydja räliny, märr ŋayi dhiŋgaŋala limurruŋ. (5:1-12)